El gobierno local ta persigue el distribucion de dinero incentivo con mga octogenarios y nonogenarios aqui na ciudad, asegun con el City Social Welfare and Development Office (CSWDO) del Jueves.
Asegun con el CSWDO, el mas reciente beneficiarios compuesto de 52 personas mayores ya recivi de ila incentivo del Martes na centro de ancianos na Barangay Sta. Catalina, en este ciudad.
Asegun con el CSWDO, cada uno del 52 beneficiarios, quien bajo el jurisdiccion del CSWDO-Field Office 2, ya recivi P10,000 o todo sila ya recivi el total de P520,000.
El mga barrios bajo el CSWDO-Field Office 2 ya inclui el Baliwasan, Kampung Islam, Kasanyangan, Mariki, Rio Hondo, San Jose Cawa-Cawa, San Jose Gusu, Sta. Barbara, Sta. Catalina, Sto. Niño, Zone 1, Zone 2, y Zone 3.
Asegun con el CSWDO, 45 del 52 beneficiarios amo mga octogenarios que tiene el edad de 80 hasta 89 y el restante siete mga nonagenarios con el edad de 90 hasta 99.
El dalida de suporta financial en linia del Ordinansa 539 que designao para alivia el necesidades y gastos del mga personas mayores.
El dalida de suporta ta demonstra tamen el compromiso del ciudad para honra y suporta con el mga miembros mayores del comunidad. (B. Garcia)
