El gobierno del ciudad de Zamboanga esperansao dale auyda financial con mga familiares afectao del Julio 12 avenida que ya causa del aguacero ya lleva el habagat.
Este despues que el Oficina de Desarollo y Bienestar Social del Ciudad o CSWDO terminando ya con el conducida del perfilando y evaluacion del mga familiares ya desplaza por el masivo avenida.
Si Ma. Socorro Rojas, el jefe del CSWDO, ya reporta na City Disaster Risk Reduction and Management Council (CDRRMC) que ta encabesa el Alcalde John Dalipe, cay el el masivo avenida ya causa el muerte del seis hente, incluido dos bata, ya inunda 32 barrios desplazando 5,543 familiares con 18,358 individual.
El Agricultor del Ciudad Arben Magdugo ya reporta cay el fuerte aguacero ya destrosa P52.2 million valor de productos agricultural, incluido palay, mais y gulay.
Si Magdugo ya habla, el fuerte aguacero ya destrosa tamen mas de P2.5 millon valor de productos de pescaria incluido agar-agar y tanke de pescao.
Mientras tanto, el mga miembros del CDRRMC no quiere declara con el ciudad bajo el estado de calamidad.
Si Dalipe ya impulsa con el mga concierne agencias para ase de fronto el disposicion del ayuda con el mga familia ya afecta na avenida incluido aquellos ya esta lang na casa. (B. Garcia)