Zamboanga: Entreno de ‘paratroopers’ ya conduci na Basilan

0
11
photo courtesy of 101st Infantry Brigade

El mga “paratroopers” del “TRAJAN” que ya encabesa si Brigadier General Alvin Luzon, el comandante del 101st Infantry Brigade, ya participa na “Airborne Sustainment Training” na provincia del Basilan.

El entreno o training ya conduci del Sabado na Barangay Limook ciudad del Lamitan, Basilan.

Asegun con Luzon, el saltada de sostenimoento ta dale mira el valor del 400 Airborne qualificao saltador y ayuda con el mga paratroopers mantene de ila abilidad de opearacion de airborne y retene de ila proficiencia.

Con el entreno ya participa tamen mga paratroopers del otro mando military que ya inclui el 18th Infantry Battalion (IB), 45IB, 18th Scout Ranger Company, 111rg Division Reconnaissance Company, 4th Special Force Battalion (SFBn) y 6th SFBn.

Puera con Luzon, el otro mga oficiales militar quien ya participa na entreno ta inclui si Coronel Frederick Sales, el diputado de Luzon, Tiniente Coronel Michael Colanta, comandante del 45IB, Tiniente Coronel Adolf Ian Garceron, comandante de 4SFBn, y otros pa mga oficiales. (B. Garcia)

Leave a Reply