Nadadael dagiti fully grown marijuana plants nga agdagup iti napattapatta a balor ti PHP7.5 million sadiay Sugpon, Ilocos Sur iti ngudo ti lawas.
Pinasingkedan daytoy ni Joel Plaza, Philippine Drug Enforcement Agency Region 1 (Ilocos) Director, kinunana a 37,700 a mula ti marijuana ti napukan manipud iti pito a plantation sites idi Biernes ken Sabado.
Natakuatan idi Biernes dagiti umuna a lima a plantation sites, nga addaan iti dagup a kalawa ti daga a 4,200 square meters iti Sitio Tangilig ken aggatad iti agarup PHP5.3 million.
Dua pay a plantasion ti natakuatan idi Sabado, nga agpateg iti PHP2.2 milion, kinuna ni Plaza. Nangisayangkat dagiti opisial ti PDEA Ilocos Norte ken Ilocos Sur, Regional Mobile Force Battalion ken dagiti estasion ti polisia iti ili ti Sugpon, Cervantes, Suyo, Sigay, Lidlidda, Tagudin, San Emilio, Nagbukel, Galimuyod, Salcedo, ken Gregorio del Pilar.
Imbatad ni ni Brig. Gen. Lou F. Evangelista, hepe ti rehional nga opisina ti polisia, “nagkaykaysa, determinado, ken nasiput dagiti ahensia a mangipapatungpal iti linteg iti panangsalaknib kadagiti komunidadtayo maibusor iti pangta ti narkotiko.” (April Joyce Gonzales)
(Source: PDEA R1)
