El alcalde John Dalipe del Lunes ya conveni con el maga concierne departamento y ahensya para saka updates na maga proyekto del Zamboanga International Airport.
El Congresista del Distrito dos Mannix Dalipe ya inisya con el inklusyon del inisyal dos cientos milyon pondo del 2009 General Appropriations Act y otro pa otso cientos milyon valor na 2020 GAA para prinsipya el proyekto, talya tambien huntu na hunta del Alcalde.
Base con el briefing que ya hace el maga representante estaba na City Planning and Development Office y City Assessor’s Office, appraisal del maga pribado lote que ay sale afectao con el mencionao proyekto na Mercedes el actualmente ta conduci.
Apwera del cuarenta’y cuatro lote que ya man appraise el Land Bank del nacion, jes lote que tiene valor de ciento sincuenta’y dos milyon el ta este agua subheto de negosasyon.
El alcalde John Dalipe y Congresista Mannix Dalipe ya promete que ay trabaha huntu muy bien para implementa el proyekto mas temprano y para dale desarollo y progreso con el ciudad de Zamboanga.
Talya tambien durante del hunta el cuantos maga representante estaba na diperentes maga departamento y oficina, maga officiales del Barangay Mercedes, Zambowood, Talabaan y el executive assistant del alcalde. (Cristine Falcasantos, photos courtesy of John Dalipe Page)