El govierno lokal del ciudad ta dale oporunidad con el La Paz Vegetable Vendors Association que legaomente ocupa con el J.S Alano Street na centro del publiko merkado prinsipyando alas jes (10) del noche hasta alas sinco (5) de madrogada lunes hasta domingo seguiendo el Ordinance 2022-582 que ta institucionaliza el opersayon del Night Narket na ciudad.
Seguiendo el mandato del alcalde John Dalipe, el Oficina del Administrador del Ciudad na liderato di Ret. Gen Mario Yanga y disuyu assistant si Cesar Raz ya convene con el maga oficiales y myembro del mencionao asosacion Byernes aga para discuti el maga medisyon kilaya legitima diila operacion y libera kanila na kitada desde ventero illegal na camino.
Durante el junta, el maga opisyales del asosacion ya promete que ay man comply siila con el maga regulasyon y ley que ya hace el govierno lokal y mantene el limpyesa na diila kadequal lugar.
El Ordinance 582 antes de todo que ya promulga del petsa deci-otso del pasao mez en este anyo ta designa con el maga lugar para el Night Market, como el Rizal Street estaba na Villalobos Street, Baban Street na Barangay Baliwasan y e entero J.S Alano Street estaba na Rajah Sulaiman Street.
El mencionao ordinansa intendido para mantene el inclusivo socio-economic development por medyo del avanzando de maga interest de micro, small y medium enterpreneurs y heneracion del maga oportunidad de empleyado particularmente acquellos estaba na marginalized sectors del sociedad. (Erica Javier, photo courtesy of secov Eugene Elnar, City Gov. of Zamboanga Page)