El electronic Business One-Stop-Shop ya recivi ya el total de 6,396 aplicaciones desde Viernes, nueve dias despues que ya comensa el implementacion del systema del Enero 2.
Asegun con Benjie Barredo, el jefe del Division de Permisos y Licensias Comerciales, o Business Permits and Licensing Division (BPLD), 6,335 del 6,396 el ya evalua ya, 3,908 para paga ya y uno el pendiente evaluacion.
Asegun con Barredo, mas o menos 2,427 aplicantes el ya paga ya de ila impuesto, y 2,191 aplicantes el ya recivi ya de ila copias del permiso.
Si Barredo ya habla, el coleccion de impuesto de negocio ya alcansa ya P37.17 millones desde el primer dia del operacion del eBOSS.
Si Barredo ya apela con aquellos con pendiente pagada para inmedietamente aregla ya de ila cuotas y no mas ya espera el ultimo munito.
Asegun con Barredo, na Enero 20 el ultimo dia para el registracion de negocio na ciudad de Zamboanga. (B. Garcia)