Maga pulis y operativas del Philippine Drug Enforcement Agency ya aresta sinco high-value targets y confisca valor de sesenta’y ocho mil de pesos suspechao shabu na un campanya contra droga ilegal que ya resulta na bunkada de un drug den alla na municipio del Ipil, Zamboanga Sibugay.
Asegun con Coronel Albert Larubis, Zamboanga Sibugay police director, con el maga arestao suspechao ya conose como canda Al-medzfar Aclaracion Abuales, veinte dos; Boy Teves Navaro, treynta’y uno; Jericho Ace Alejandro Ortiz, veinte tres; Janmark Chora Rosales, deci-nueve; y, Zomiso Yañez Capillanes, Jr., treynta’y uno anios el edad.
Asegun con Larubis con el maga suspechao ya aresta del ayer tarde que ya resulta el bungkada del un drug den alla na Purok Reservoir, Barangay Don Andres, Ipil.
Si Larubis ya habla cay el ya ase el buy-bust operation siguiendo el serye de bisiada na actividad del maga suspechao.
Asegun con Larubis ya puede confisca con el maga suspechao dies gramos de shabu con el cantidad de sesenta’y ocho mil de pesos y diferent cosas para na use de droga ilegal y mil peso markao sen. (Bong Garcia)