Cebu City- Gikondena sa League of Cities of the Philippines (LCP) ang “ruthless ug brutal” nga pagpatay sa kanhi mayor, ug duha ka laing duha ka indibidwal kagahapon, Domingo, Hulyo 25, 2022,sa Ateneo de Manila University (AdMU) Quezon City.
Sa iyang pamahayag, nagkanayon si LCP president ug Cebu City Mayor Michael Rama nga gikondena sa grupo “in the strongest possible terms” ang pagpatay ni kanhi Lamitan City, Basilan mayor Rosita Fuyigar, iyang executive assistant Victor George Capistrano, ug ang university security guard nga si Jeneven Bandiola.
Nagkanayon si Rama nga gipangayo sab sa grupo ang ‘swift and immediate justice’ sa tulo ka mga biktima, kinsa gipamusil ni Dr. Chiao Tiao Yumol.
Giawhag sab sa mayor ang mga membro sa Liga nga mag proactive pag siguro nga ang ilang mga syudad luwas ug secure batok sa kriminalidad ug lawlessness.
“This cowardly act executed in broad daylight is a sobering call for vigilance and a cry for restoring peace and order… We, the Mayors, are more emboldened to continue to actively pursue efforts to keep our cities and people safe and secure,” mensahi ni Rama.
Mitonol na ang LCP sa ilang mga pahasbuo ngadto sa nagbangutan nga mga sakop sa pamilya.
“May they find strength through this ordeal. We also pray for the speedy recovery of Hanah Rose Furigay,” dugang ni Rama.
Si Furigay motambong unta sa graduation rites sa iyang anak sa Ateneo School of Law sa Loyola Heights Quezon City.
Gidala kini sa dool nga tambalanan diin gi deklara ang iyang kamatayon.
Ang 25 anyos nga anak ni Furigay nga si Hanah Rose, nasamdan lakip na ang usa ka bystander.
Usa si Hanah Rose sa mga Ateneo School of Law students nga didto sa tunghaan alang sa ilang graduation nga gitakda unta pagka alas 4 sa hapon niadtong higayona.
via Jhon Tadlip
Source/Photo: League of Cities of the Philippines