El Departamento de Obras Publicas y Carreteras o DPWH ya completa mejora un proyecto de camino acceso mejorando el acceso de transportada na municipio de Kabasalan, Zamboanga Sibugay.
El proyecto que tiene el valor de P90 millon ya implementa el oficina de enginieria del segundo distrito de DPWH na Zamboanga Sibugay.
El proyecto envuelto el cementada del 1.9 kilometros camino con provision de imbornal, mamposteria de piedra, escollera con lechada.
Extendido desde Barangay Banker para na Barangay Sinian, el cementao camino na Kabasalan ya mejora el conectividad por proporcionar un segurao y mas eficiente viaje para con mga motorista que ta pasa na lugar.
“El mga residentes del mencionao barangays ta beneficia ahora na menos hora de viaje para na y desde’l mercado y otro establisimiento commercial y sercanos comunidades,” si Engineer Cayamombao Dia, el director regional del DPWH, ya habla.
El mejorao condicion del camino hay ayuda tamen aumenta el crecida del economico local por medio de reducimiento del pago de transportada, de este modo atrae potencial inversion na lugar.
El otro trabajo del proyecto incluido el instolacion del barandilla de hierro y señalez de cemento termoplastico como caracteristicas de seguridad. (B. Garcia)