El proyecto de camino de desviacion del Departamento de Obras Publicas y Carreteras o Department of Public Works and Highways (DPWH) ta beneficia ahora el mga comunidades rurales na municipio del Malangas, Zamboanga Sibugay.
Asegun con el director regional del DPWH Cayamombao Dia, el proyecto amo el cementada del 2.1 kilometros dos esquinita camino de Guilawa-Palalian-Barangay Poblacion que ta conecta con el mga residentes del Barangay Guilawa para na mercao publico, escuela, y otro esencial facilidades y servicio na municipio del Malangas.
Asegun con Dia, el mejorao condicion de camino hay lleva desarollo de socio-economico na localidad siendo ta asegura este el lijero, mas barato y eficiente transportada de productos agricultural desde’l kaingin para na mercao publico.
Asegun con Dia, el proyecto que ya costa P40 millon, ya inclui el ponida de imbornal, riprap, barandilla de hierro, y marca na cemento como caracteristicas de seguridad.
Si Dia ya habla, con el proyecto ya implementa el oficina de enginieria del primer distrito del DPWH na provincia del Zamboanga Sibugay. (B. Garca)