El mga bajura comunidades mas protejido ya ahora contra flujada sobra del Rio de Dipolo na municipio del Ramon Magsaysay, Zamboanga del Sur.
Este ya vene despues que ya completa del Jueves el Departamento de Obras Publicas y Carreteras o DPWH el construccion del P55 millon proyecto de control de avenida na municipio del Ramon Magsaysay.
Si Engineer Cayamombao Dia, el director regional del DPWH, ya reporta con Secretario Manuel Bonoan del DPWH, cay el proyecto na Barangay Katipunan, Ramon Magsaysay envuelto el construccion del 228.4 meters proteccion de abajada con dos metros pasarela.
“Tranquilo ahora el mga gente cay sabe sila tiene robusto estractura para proteje con el de ila casa y la vida desde adverso incidentes por causa de excesivo avenida, especialmente durante tiempo’y ulan o tifun,” si Dia ya habla.
Ademas na aumentada de resiliencia, el estractura hay ayuda tamen na preservacion del tierra y mitiga degradacion del rio, asegun con Dia.
Asegun con Dia, con el proyecto de avenida yah ace el oficina del primer distrito de enginieria del DPWH Zamboanga del Sur. (B. Garcia)