El Departamento de Obras Publica y Carreteras, o DPWH, ya completa con el P34.3 millones proyecto de anchada de camino, proporcionando aumentada na comercio local y crecimiento de economia na provincia del Zamboanga del Norte.
Asegun con Ingeniera Cayamombao Dia, el director regional del DPWH, el trabajo del anchada ya hace na un kilometro porcion del camino de Liloy-Siocon na municipio del Gutalac, Zamboanga del Norte.
Asegun con Dia, el proyecto tiene el caracteristica de reinforzao imbornal, cabeceras, enrocamento rebocado con pintao reflectorizado termoplastico markas de cemento para el mejor visibilidad, aparte con el anchada del camino desde dos para na cuatro esquinitas.
Asegun con Dia, el completada del proyecto mas mejor ta conecta ahora con el Barangay Poblacion para na Barrio de San Isidro, beneficiando acerca de 3,257 residentes quien ta depene con el ruta para anda na mga sercanos comunidades.
Si Dia ya habla, el mejorao seccion del camino hay servi con alto volumen de vehiculos que hay reduce con el congestion del trafico.
Asegun con Dia, el nuevo completao proyecto hay acelera tamen con el transportada del mga bienes y servicios, mas autmenta comercio local y crecimiento economico na municipio del Gutalac.
Si Dia ya habla, con el proyecto ya implementa el Oficina de Ingenieria del terser distrito del DPWH na Zamboanga del Norte con el fondo estaba na Ley General de Asignaciones de 2023. (B. Garcia)