El Departamento de Obras Publicas y Carreteras,o DPWH, ya completa el implementacion del P22 millones proyecto de anchada de fuente para mejora el mobilidad de comestibles na provincia del Zamboanga del Norte.
Asegun con el DPWH-Zamboanga Peninsula, el proyecto de anchada amo el fuente de Timan na camino del Sindangan y Liloy na Barangay Timan, Zamboanga del Norte.
El DPWH ya habla, el proyecto tiene el total largor de 19.05 metros de carril y el anchor del calzada ya ancha para na siete metros.
“El completada des este proyecto, ta facilita el mejorao mobilidad del ambos del mga viajeros y mercancias,” el DPWH-Zamboanga Peninsula ya habla na un anuncio.
“El proyecto hay solve con el necesidad na omentada del trafico na lugar, asegurando suave y transporte mas segurao para con todo’l quien ta usa con el camino,” el DPWH ya omenta.
El alocacion del P22 millones fondo estaba na Ley General de Asignaciones de 2023.
Con el proyecto ya implementa el oficina de ingenieraia del DPWH na terser distrito del Zamboanga del Norte. (B. Garcia)