El Departamento de Obras Publicas y Carreteras, o DPWH, ya completa con el P19.6 millones estructura de control de inundacion na provincia del Zamboanga del Sur.
Asegun con el DPWH-Zamboanga Peninsula del Martes, con el proyecto ya implementa na Barangay Alang-Alang, Tambulig, Zamboanga del Sur.
Asegun con el DPWH-Zamboanga Peninsula, el proyecto hay proteje con mga cementera desde fuerte aguacero y avenida, asegurando el productividad agricultural y resiliencia comunitaria.
“Mas de proteger vidas y propiedades, hay promova tamen este proyecto sostenibilidad ambiental y estabilidad economica,” asegun con el DPWH-Zamboanga Peninsula na un anuncio.
Asegun con el DPWH-Zamboanga Peninsula, el fondo para na implementacion del proyecto estaba na Ley de Asignaciones Generales de 2024.
Con el proyecto ya implementa el Oficina de Ingenieria del Primer Distrito del Zamboanga del Sur. (B. Garcia)