El mga residentes ta beneficia ahora na mejorao acceso y mobilidad cay el Departamento de Obras Publicas y Carreteras o el DPWH ya completa tres proyectos de cementada de camino na municipio del Labason y Liloy na provincia del Zamboanga del Norte.
Asegun con Cayamombao Dia, el director regional del DPWH, uno del tres completao proyectos amo el 688-metro cementada del camino de granja para na tianggue con el valor de P12.9 millon na Barangay Lapatan, Labason.
Asegun con Dia, el completada del camino de granja para na tianggue segurao y ya menora el hora del viaje del mga siembrador, ya ase subi de ila productividad y istimula cricida del economico local.
Si Dia ya reporta tamen el completada del cementada de 445-metro camino de acceso na Barangay Immaculada, Labason, con el valor de P9.9 millon.
“Con el mejorao camino, el mga residents del mencionao barrio ta experiencia ahora liso y segurao transportacion pa andada na varias establisimientos y servicio esenciales na lugar,” si Dia ya habla.
Si Dia ya habla, el oficina de enginieria del terser distrito del DPWH na Zamboanga del Norte ya completa tamen con el otro cementada de camino na municipio del Liloy.
Asegun con Dia, el camino na Barangay Panabang, Liloy, tiene el largor de 785 metros con el valor de P11.8 million. (B. Garcia)