El Departamento de Obras Publicas y Carreteras o DPWH exitosamente ya ancha con el antes dos esquenitas camino na Aurora, Zamboanga del Sur conectando con el provincia del Misamis Occidental.
Asegun con el DPWH, el alocacion de P85 millon fondo que ya usa na implementacion del proyecto etaba na Ley General de Asignaciones del 2023 o General Appropriations Act of 2023.
Asegun con el DPWH, con el camino que tiene el largor de 2.10 kilometros carriles ya ancha para na anchor de 3.5 metros.
El DPWH ya habla, el proyecto ya inclui tamen el intolacion de imbornal, termoplastico seniales para el mejor visibilidad durante el noche, seniales de advertencia de seguridad y canal.
Con el anchada del camino, el mga motorista hay beneficia ahora desde segurao y menos congestion del trafico mientras ta viaja desde Zamboanga del Sur para na Misamis Occidental y ida’y buelta especialmente durante el alta temporada o peak season.
Con el proyecto ya implementa el oficina de enginieria del primer distrito del DPWH na Zamboanga del Sur. (B. Garcia)