Maga personajes del pulisiya local ya aresta con dos wanted personas y un suspechao drug pusher na separao enforsada de ley aki na ciudad de Zamboanga.
Si Coronel Alexander Lorenzo, el Zamboanga City Police Office director, ya nombra con el arestao dos wanted personas como canda Rolando Bucoy, sesenta’y dos anios y si Ignacio Señara, treynta’y seis anios, myentras el suspechao drug pusher como si Arton Mirad, treynta’y tres anios el edad.
Asegun con Lorenzo cay con Bucoy was aresta del lunes alla na Barangay Curuan, este ciudad.
Si Lorenzo ya habla cay si Bucoy tiene pendiente orden de aresto por el crimen de siete asuntos de rape sin piansa.
Con Señara ya aresta del lunes por el crimen de estafa con corespondiente orden de aresto estaba ma municipal trail court del ciudad.
Myentrastanto, asegun con Lorenzo cay con Mirad ya aresta na ub buy-bust operation del lunes na Barangay San Roque, este ciudad.
Si Lorenzo ya habla cay ya puede confisca na posesion de Mirad valor de mil pesos suspechao shabu. (Bong Garcia)