El Departamento de Empleyo y Trabajo, o DOLE, ya entrega cheke de P3.1 millones para crea sustenable oportunidad de busca lavida con 100 probationers y parolees na entero region.
Asegun con Albert Gutib, el director regional del DOLE, con el cheke ya entrega con el co-socio Zamboanga del Sur Agricultural College Integrated Multi-Purpose Cooperative (ZSACICO) del Miercoles na regional del Departamento de Justicia (DOJ).
El oficina regional del DOLE y el ZSACICO es un co-socio acreditado.
El objetivo del iniciativo del fondo amo para crea sustenable oportunidad de busca lavida con el 100 mga probationers y parolees na Zamboanga Peminisula y na provincial del Sulu y Tawi-Tawi.
El programa ispecificamente diseniao para facilita con el de ila reintegracion na sociedad por medio de varias poyectos de busca lavida.
El proyecto es un esfuerzo colaborativo entre el DOLE y DOJ con el objetivo extende suporta con el mga vulnerable individuales na reconstruccion de ila mga vida. (B. Garcia)