Total de 3,825 vacante trabajo ay ofrece durante el “Job Fair” na venedero celebracion del Dia de Obreros (Labod Day) na Mayo 1, este año, aqui na ciudad de Zamboanga.
Asegun con Albert Gutib, del director regional del Departamento de Trabajo y Empleyo o Department of Labor and Employment (DOLE), 1,925 del 3,825 amo para empleyo local mientras el restante 1,900 para trabajo na otro pais.
Asegun con Gutib, tiene el total de 41 companias el ya significa el intencion participa na job fair del aka- 122 años celebracion del Dia de Obreros que hay conduci na KCC Mall de Zamboanga.
Si Gutib ya habla, 35 del 41 companias que hay participa na job fair amo mga local companias y el restante seis amo mga agencias que ta busca trabajantes para empleya na otro pais.
Asegun con Gutib, has conduci tamen job fair na otro parte del region durante el celebracion del Dia de Obreros na Mayo 1, este año. (B. Garcia)
