Dead on Arrival pag abot sa hospital ang 27 anyos nga layaki samtang nagmaneho sa ija motorsiklo ug aksidenting nisungag ang driver sa multicab sa driver sa motorsiklo.
Nahitabo ang disgrasya sa Purok 6, Brgy. Trinidad, Surigao City sa alas 6:50 nan duyom.
Ang nalambigit nga mga sakyanan:
Vehicle 1 isa ka Black Mitsukoshi Euro Racing 125, nga may plate no. LD1836 nga gimaneho ni Raphy Nocos Poras, 27 anyos, layaki, ulitawo, residente sa P-6, Brgy Trinidad, Surigao City.
Vehicle 2 isa ka Blue Suzuki PUV Multicab, nga may plate no. LYJ 265 nga gimaneho ni Nerie Lomocso Crabajales Jr., anyos, menyo, layaki, residente sa Purok Acacia, Brgy. Magsaysay, Placer, SDN.
Sa inisyal nga imbestigasyon nasayran nga nagbiyahe ang driver sa motorsiklo gikan sa P-6 Brgy. Trinidad SC pasingod sa siyudad, samtang ang driver sa multicab nag biyahe sa pikas lane pasingod sa Munisipyo sa Sison SDN.
Pag-abot sa lugar kung diin nahitabo ang disgrasya ang driver sa multicab aksidenting nibangga sa driver sa motorsiklo nga miresulta sa pagka sungag niini.
Tungod sa ka kusog sa pagka dasmag, ang duha ka mga driver nakaangkon nan mga samad maingon man ang mga nalambigit nga mga sakyanan nakaangkon ug damages.
Ang duha ka driver dali gidaya sa Caraga Regional Hospital pinaagi sa pagresponde sa mga personahe sa Quick Action Response Team hinuon ang driver sa motorsiklo gideklarar nga dead on arrival pinaagi sa attending physician nga si Marrem Janelle A. Langeban ang Medical Doctor. (Mark James Lisondra)
