El Departamento de Salud o DOH ya inagura con el primer centro de “Bagong Urgent Care Ambulatory Services (BUCAS)” na Zamboanga Peninsula, asegun con el DOH del Miercoles.
Asegun con Dr. Joshua Brillantes, el Director Regional del DOH, el centro de BUCAS intendido para dale mejorao acceso con urgente y ambulatorio servicio de cuidada 24 horas el dia y siete dias el semana.
El centro ta ofrece fundamental servicio de laboratorio, includio completo cuntada de sangre, examinacion de miao, servicio de x-ray y mucho pa otro.
El abrida del centro de BUCAS aqui na ciudad ta marka un significante paso para mejora con el acceso de ciudada de salud y servicio para na comunidad local.
Asegun con Brillantes, el DOH ta plaña abre total de 28 centro de BUCAS hasta na año 2028, que ay servi con 28 millones del pobre Filipino y para solve el hueco na sistema de ciudada de salud. (B. Garcia)