Gidakop sa mga tinugyanan sa kapulisan ang 35 anyos na layaki human kini nag skandalo ug nag bitbit nan armas.
Ang suspek isa ka welder, residente sa Barangay Banbanon, San Francisco, Surigao del Norte.
Mga ala 1:50 sa kaadlawon, nakadawat og tawag sa telepono ang kapulisan sa San Francisco MPS gikan sa isa ka concerned citizen nga jaoy nahitabong kaguliyang sa haya sa Purok-1 Barangay Diaz, lungsod sa San Francisco.
Giadto dajon sa mga otoridad sa kapulisan ang incident area ug pinaagi sa verification ug imbestigasyon, nasikop ang isa ka suspek tungod sa paglapas sa Republic Act 10591, ang “Comprehensive Firearms and Ammunition Regulation Act.”
Sa report gikan sa San Francisco MPS, niulbo ang kaguliyang tungod sa waya pagsinabtanay samtang nagduwa og baraha. Kalit lang gisumbag sa waya mailhing tawo ang suspek ug daling misibat. Gitambagan ang suspek nga mopauli, apan pipila ka gutlo, nibalik kini ug nagpadajon sa pagsinggit – singgit ug nibunot sija ug armas sa ija hawak ug gition ngadto sa mga tawo nga nitambong sa haya ug human jadto gi-verify sa mga awtoridad nga airsoft gun kini.
Ang mga paningkamot sa mga awtoridad sa kapolisan ug ang kooperasyon sa mga lokal miresulta sa pagkasikop sa suspek ug pagkakompiska sa airsoft gun.
Sa pagka kuman ang suspek ang jaon sa kustodiya sa San Francisco MPS. (Mark James Lisondra)
(Source: SDNPPO)
