Ta continua el govierno local distribuji con mga residentes de bejes el ayuda financial de P1,000 cada uno cada semestre bajo el “social amelioration program (SAP)” del ciudad.
El Alcalde John Dalipe ya encabesa con el distribucion del ayuda financial con 308 residentes de bejes ta esta na Barangay Kampung Islam del Biyernes.
El distribucion del ayuda financial ya conduci na “Zamboanga Central School”.
Si Dalipe ya dale el aseguramiento con mga beneficiaryos cay el govierno local ay mira con el de ila bienestar.
Ya man hunto con Dalipe el Vice Alcalde Josephine Pareja y hefe del City Social Welfare and Development Office Socorro Rojas na distribucion del ayuda financial del Biyernes.
Alegre el mga beneficiaryos cuando ya recivi sila de ila parte del ayuda financial hablando cay un grande ayuda ya este canila.El distribucon del ayuda financial ay continua na diferente barrio na mga dias que viene. (B. Garcia, (photo courtesy of John Dalipe FB page)