Ya lleva nuevo perspectivas y concreto movida, el aca tercer dia de Barangay Check-In: DILG Quarterly Performance Dialogue na aca tercer trimestre, que lo mismo para mejora el governancia del Barrio.
El Barangay Check-In, del Department of the Interior and Local Government (DILG) Zamboanga City, ta continua y tan feature el cluster 6, donde el Barrio Calabasa el ya huesye con el actividad.
Ambos, el maga asuntos que ya discuti amo el Maindoor: Barangay Reports Monitoring System, y orientacion aserca de Bawat Barangay Makikinabang Program, Safe School Zone, y linea de guia para na sumision de Ordenanza del Barrio.
Mientras, ya dale tambien atencion sobre con el SOBRESALIENTE o Search for Outstanding Barangays, un iniciativa segun del DILG Zamboanga City, que objeto amo para reconoce y honra con el Barrio que demostra excelencia na governancia y entregada de servicio publico.
Ademas, el Barangay Check-In hende lang asegun un evento para comparti informacion, sino ta proporciona este oportunidad para con el maga barrio para na experiencia de intercambio, nombra el lugar para na desarollo, y desarolla el concreto siguiente movimiento para mejora el actuacion.
Ta continua segun, el serye de Barangay Check-In, donde ta esta el DILG Zamboanga City el diila compromiso para fortalece el socios con el maga barrio na promoviendo de responsibilidad, eficiente entregada de servicio, y mejora el governancia local. (Keith Luna)