El Departamento de Educacion, o DepEd, por medio del programa de escuela de ultima milla (Last Mile Schools Program), hay construi un edeficio de tres cuarto de estudio na Barangay Tampalan, ciudad de Isabela.
El Alcalde Sitti Djalia Turabin-Hataman ya man hunto con Ruth Fuentes, el director regional del DepEd, cuando ya conduci el ceremonia de innovador del Jueves para el construccion del proyecto.
Asegun con el oficina de informacion publico del ciudad de Isabela, el objetivo del proyecto del programa de escuela de ultima milla amo para aborda el brechas na infraestructura para na educacion secundaria na mga distante y desatentido lugar, particularmente beneficiando con el comunidad de indigena Bajau.
El iniciativa es parte del programa de escuela de ultima milla, que especificamente diseñado para suporta con mga lejanos escuelas que falta basico recursos y facilidades.
El nuevo cuarto de estudio hay ayuda proporciona un conducivo medio ambiente de estudio con mga estudiantes desde’l comunidad indigeno gentes na Barangay Tampalan, asegurando hay tene sila acceso na educacion de calidad a pesar el desafios de geografico.
El ceremonia de innovador ya atende mga alto oficiales del DepEd na region y mga oficiales del ciudad de Isabela. (B. Garcia)