El Departamento de Medio Ambientes y Recursos Naturales (DENR) ya recivi mil semilia de Narra desde con el Palawan Pawnshop del ciudad de Dipolog, Zamboanga del Norte.
Si Oriel Ensendencia, el administrador del Palawan Pawnshop-Dipolog, amo el ya entrega con el mga semilia de Narra del Martes con Cidur Julsadjiri, el official provincial de medio ambiente y recursos naturales del Zamboanga del Norte.
El donacion del mga semilia es parte del celebracion del aca-37 aniversario del Palawan Pawnshop.
Asegun con Ensendencia, el mga semilia de Narra estaba pa na provincia del Bukidnon.
Se Ensendencia ya habla cay el ceremonia de entrego ta crea oportunidad para canila contribui na sostenibilidad y conservacion del medio ambiente.
Si Julsadjiri ya comenda con el suporta del Palawan Pawnshop con el programa de “greening” del DENR que ta simboliza el cuidao medio ambiente y colaboracion comunidad. (B. Garcia, photo courtesy of DENR- Zamboanga Peninsula)