El gobierno local ya dale total de P1.98 million allowance con el 180 miembros del delegacion del ciudad de Zamboanga para na Palarong Pambansa.
Asegun con el Alcalde John Dalipe, cada uno de ila ya recivi P11,000 como allowance de capacitacion que ta cubri el gastos de comida del mga atleta durante el de ila entreno que ya hace desde Junio 13 hasta Julio 2.
El mga recipientes del P11,000 allowance ta inclui 145 atletas, 20 entrenadores, y 15 miembros del grupo de chequida.
Si Dalipe ya encabesa con el distribucion del allowance durante el ceremonia de despedida del Martes na Zamboanga Central School para del delegacion del ciudad de Zamboanga na Palarong Pambansa.
El Palarong Pambansa hay conduci na ciudad de Cebu na Julio 11 hasta Julio 17, este año.
El mga atleta esperansao tamen recivi omento P6,000 incentivo cada uno de ila el momento hay llega sila desde ciudad de Cebu. (B. Garcia)