Nagpahigayon og emergency meeting ang Zamboanga del Norte Provincial Price Coordinating Council niadtong Marso 16 sa Provincial Capitol sa Barangay Estaka, Dipolog City aron hisgutan ang kahimtang sa presyo sa mga batakang panginahanglan ug prime commodities sa probinsya.
Gipangunahan ni Governor Darel Dexter T. Uy ang tigom isip chairperson sa konseho kauban si DTI Provincial Director Estrella M. Roda nga mipresentar sa report kabahin sa kasamtangang presyo sa mga baligya ug sa papel sa nagkalain-laing ahensya sa pagmonitor niini.
Mitambong usab sa meeting ang mga representante gikan sa nagkalain-laing national government agencies ug mga opisyal sa lokal nga panggamhanan sa probinsya.
Sumala sa konseho, kabahin ang maong emergency meeting sa padayon nga koordinasyon sa mga ahensya aron masiguro ang husto nga presyo ug suplay sa mga batakang produkto sa merkado.(JENIFFER JR. DELICA)
Source: Dipolog City Government