Deci-seis technicians de agricultura desde’l diferente municipio y probinsya na rehyon ya completa del Martes na veinte sinco dias Basic Training Course de Pregnancy Diagnosis y Artificial Insemination de baka y carabao.
El entreno ya conduci el Departamento de Agricultura por medio del program de livestock desde Hunyo veinte hasta del Martes, Huylo deci-nueve
El entreno amo para omenta el produccion del maga baka y carabao aqui na rehyon.
Asegun con el ejecutivo director rehyonal del Departamento de Agricultura Rad Donn Cedeño cay el entreno ya ase na Philippine Carabao Center na municipio de Kalawit, Zamboanga del Norte myentras el plenaryo y ceremonya de complecion ya conduci na un hotel na municipio del Ipil, Zamboanga Sibugay.
El maga participantes del entreno reconosido ya del Departamento de Agriculura Livestock Program para conduci artificial insemination na de ila cada’y cual lugar. (Bong Garcia)