El Alcalde John Dalipe ya declara sui plano y maga programa durante el inaugural session del aka-onse consejo del ciudad ayer na Astoria Regency na Barangay Pasonanca.
Na su declaracion cay el nuevo govierno amo para comparti y encabesa, si Dalipe ya reuni con el consejo del ciudad, bajo el liderato del vise alcalde Josephine Pareja, para ase un mafuersa camaraderia entre el ejecutivo y legislativo para el maga desarollo na ciudad.
Si Pareja y el maga deci-seis elejido consejales del primer y segundo distrito, incluhido maga representantes sectoral, ya promote tamen suporta con el maga plano y programa de Dalipe para el bien enterest del maga ciudadanos de Zamboanga.
Ya atende con el inaugural session aer el congresista del primer distrito Khymer Olaso, mynetras el congresista Manuel Jose Dalipe nohay puede atende cay tiene el mga igual importante cosas ya atende na congreso.
El otro quien ya atende con actividad ayer ta incluhi maga antes alcalde, vise-alcalde y consejales hasta maga hefe del difrerente departamento del govierno local y diferente sector del sociedad. (Cristine Falcasantos)