Por medyo del victorioso implementasyon del Oficina de Inhinyero DPWH Distrito de Ciudad de Isabela ya acaba ya el mil nueve cientos sesenta’y tres metro concreto camino que ta conecta con 3l Barangay de Lumbang y Barangay de Kumalarang del Ciudad de Isabela.
El maga residente especialmente el maga syembrador ta ekspresa diila gratitud por el construksyon del camino para na concluhido y abyerto usada del publiko. Asegun con el DPWH Isabela District el transportasyon del maga raw goods como maga gulay y frutas es muy tormento para con el maga syembrador porcausa que hinde ta pwede usa con el maga safe routes.
El deci seis (16) milyon valor de proyekto que ya man fondo el General Appropriations Act (GAA 2022) y tiene total de mil nueve cientos sesenta’y tres (1,963) metro valor usable asegun para con el maga motorista acquellos estaba na maga lehos barangay por el fronto transportasyon.
El mehoramiento de buen sustento del maga constituente del Ciudad de Isabela ya hace posible por medio del epektibo esfuerzo y implementasyon del maga proyekto de DPWH. (Erica Javier, photo courtesy of DPWH Region 9 Facebook page)