Cuatro persona arestao na un intensificao Law Enforcement Operation con trenta’y seis citation ticket el ya man issue con el maga violador del Health Safety Protocols de COVID-19.
Un wanted persona el arestao na un joint operatiba del ZCPS1 y ZCPS7 del ayer petsa dose dos mil veinte dos na Barangay Cabatangan en este ciudad.
Con el suspechao ya conose como si Aurora Eijansantos Dela Cruz. Este asegun tiene paraw orden de aresto por el krimen de swindling que ya man issue el Branch 3, RTC, 9th Judicial Region, en este ciudad.
Na egual dia, Si Amil Nasir Sabturani alyas “Amil”, trentay dos anyos de edad el ya aresta tambien el ZCPS 4 y TSC_RMFB9 na un operasyon kontra el illegal droga na Fernando Luciano Drive, Barangay de Mampang en este ciudad este dia.
Con el suspechao ya confisca un punto sinco gramo de suspechao shabu con standard price de jes mil dos cientos pesos, un unit de Honda XRM 125 color negro con temporary plate no. 0902-0606948.
El maga arestao suspechao tali ya awra baho na kustodiya del concierne estasyon por el propyo dokumentasyon. (Erica B. Javier)