Para ayuda man boost con el Agricultural Productivity, el gobyerno local ya man turn-over cuatro dropside trucks con el City Agriculturists Office na un ceremonia que ya encabesa el Alcalde Dalipe durante el Flag raising ceremony ayer Lunes.
Mientrastanto el Departamento de Agrikultura ya man turn-over tambien maga knapsack sprayers, seis ciento pakete del 8 in 1 vegetable seeds, dos unit de corn shellers y un unit de cassava grater con el diperentes farmer association aqui na ciudad para ayuda improva el productivity del maga siembrador.
Con el maga menciobao truck ya compra del anyo 2021 que tiene el valor de dos punto sinco milyon de pesos cada uno y tiene total valor de dies milyon el cuatro unit. Huntu con el alcalde durante el ceremonya el City Agriculturists Carmencita Sanchez, Bise-Alcalde Josephine Pareja,maga miyembros del Consejo Local y maga opisyales del diperentes farmers association.
(Cristine Falcasantos) (Photo Courtesy of City Government of Zamboanga Page)