Impasingked no Gob. Matthew Marcos Manotoc a saan nga agsarday iti panangsuporta ti Gobierno Probinsial kadagiti kailian a manggungundawway kadagiti nagdududma a programa ti probinsia.
Impasigurado daytoy to Gobierno kabayatan iti ‘’pay out’’ wenno pannakaiteden ti suweldo dagiti nagtrabaho iti Tulong Panghanapbuhay sa Ating Diplaced/Disadvantage Workers wenno TUPAD a taga Sarrat ken Marcos.
Mismo a ti gobernador ti nangiyawat iti suweldo dagiti benepisyaryo a 72 dagiti taga Marcos idinto a 270 dagiti taga Sarrat nga immawat iti 5,550 pesos ti tunggal maysa.
Dandani duwa a milyon a pisos amin iti naibunong ti gobernador a suweldo dagitoy iti Ilocos Norte Centennial Arena.
Ti pannakaibunong iti sweldo dagitoy ket inatendaran met iti PESO office ti Sarrat ti pannakabagi ti DOLE a ni Ms. Janelyn Martin ken ti PESO officer ti probinsia a ni Ms. Lezeth Atuan.
Nagyamanan met ti gobernador ni Senadora Imme Marcos gapu ta isuna ti nangkiddaw iti pundo manipud iti DOLE para ti TUPAD ditoy probinsia.
Kunana a kanayon a panpannunuten ti senadora iti maipaay a pagsayaatan dagiti kailian rason nga adda laeng daytoy nga agkidkiddaw ti tulong kadagiti mabalin a pangibagaan iti gobierno nasional ken kadagiti nagdududma nga ahensia ti gobierno.
Innayon iti gobernador a saan laeng a ti sendora iti naiget a mangikagkagumaan ti pannakaipaay iti pagsayaatan daigit umili ngme ketdi uray pay da Congressman Sandro Marcos kangrunaanna ken Pres. Bongbong Marcos nga immunan a nangipatalgednga umun una ti Ilocos Norte iti listaan kadagiti matulungan.
Author: Rod Sadian
Source: PGIN