Asegun con el CSWDO, ya distribui el mga personajes del de ila oficina mga enpaquetao comida, agua embotellada y otros pa mga necesidades del mga victima quien ta temporariamente ta esta na centro de evacuacion.
Ta evalua tamen el CSWDO para determina cosa pa mga otro ayuda ta necesita el mga afectao familias.
Asegun con el CSWDO, 263 familias compuesto de 1,016 personas el ya afecta na incendio que ya ocuri na Calle Basa, Barangay Tugbungan, en este ciudad del Miercoles medio dia.
Asegun con el bombero, tres personas el ya iri durante el incendio que ya destrosa propiedad valor de P1.5 millon.
El incendio, que ya alcansa na terser alarma, ya principia mga alas 11:51 del aga y ya puede controla mga ala 1:56 del tarde.
Con el fuego ya puede apaga completamente mga alas 3:56 del tarde.
Asegun con el bombero, ta precura pa sila determina si cosa el causa en incendio.
(B. Garcia, photo courtesy of CSWDO)
