35 C
Manila
Friday, April 19, 2024

Zamboanga: 2 arestao, mas de P1 millon droga ilegal ta confisca

- Advertisement -
Dos personas el ya aresta y mas de P1 millon valor de droga el ya confisca mga autoridad durante un campaña contra droga ilegal na provincia del Maguindanao del Norte, asegun con el policia del Jueves.

Asegun con el policia, con el dos suspechao ya aresta durante in “buy-bust operation” del dia de Pascua na Barangay Poblacion Dalican, Datu Odin Sinsuat, Maguindanao del Norte.

Nohay mas nombra el policia con el dos arrestao suspechao puera de hablar cay mga mujeres sila y residentes del Datu Odin Sinsuat.

Asegun con el policia, ya puede confisca na posesion del dos arestao suspechao tres paquetes de plastic que ya contene 150 gramos de suspechao shabu con el valor de P1,020,000, un balutan de “boodle money” y original P1,000 como markao sen.

Con el mga arestao suspechao ya detene en preparacion para el plantada del formal asunto contra canila.

Mientras tanto, si Police Brigadier General Allan Nobleza, el director del Police Region Office-Bangsamoro Autonomous Region, ya comenda con el mga operativas por el de ila buen acomplisimiento.

Asegun con Nobleza, el aresto del dos suspechao es un testamento del coordinao esfuerzo del mga autoridad, especialmente este tiempo del Pascua.

(B. Garcia, photo courtesy of PRO-BAR)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -