El consejo del ciudad ya aproba un resolucion durante el sesion regular del Lunes llamando con el Alcalde John Dalipe para compra tierra y prioritiza el construccion de centros de evacuation.
El Consejal Charlie Mariano, el proponente del resolucion, ya acentua el importancia del facilidades de evacuacion na llegada del fenomeno La Niña, que asegun con el PAGASA hay continua hasta na otro año.
El resolucion de Mariano, ta solicita ugentemente con Dalipe para prioritiza el rapido identificacion y eventualmente compra propiedad na mga estrategico lugar considerao vulnerable y densamente poblada ta inclui lugar situado criticamente dentro de 10 kilometros del ciudad.
Si Mariano ya emfatiza cay el mga escuelas hinde na hay usa como temporario refugio si tiene ya mga construido centro de evacuacion del ciudad.
Si Mariano ya habla, el otro ciudad na pais hinde na ta usa con mga escuelas como lugar de evacuacion por causa ya solve ya sila con el problema de lugar de evacuacion.
El Departamento de Educacion ya desalenta el usada del de ila escuales por causa el presencia del mga evacuantes ta destorba con el proceso de aprendida del mga estudiantes.
Asegun con Mariano, debe el deseño del centro de evacuacion aquel tiene privacia el mga evacuantes y construido na altura lugar para el seguridad el mga hente. (B. Garcia)