Un persona de quien nombre incluwido na database del campanya contra droga ilegal del pulisiya local el ya aresta maga otoridad del lunes denoche na Barangay Arena Blanco, este ciudad.
Si Major Salvador Galvez, hefe del Pollice Station 6, ya nombra con el arestao suspechao como si Naeh Ilhano alias Boss, treynta anios el edad in residente de Rio Hondo.
Asegun con Galvez ya recubri na posesyon de Ilhano tres gramos de suspechao shabu que tiene el valor de veinte mil cuatro sientos pesos y dosientos markao sen ya usa na buy-bust operation.
Detenicao ahora si Ilhano y asegun con Galvez ay planta sila formal asunto contra con el suspechao na husgado por el violacion del leyes de droga ilegal. (April Boy Regino)