29.5 C
Manila
Friday, March 29, 2024

Zamboanga: Con un oficial de barrio ya mata na ciudad de Isabela

- Advertisement -

Un oficial de barangay ya muri na un incidente de tiro alla na provincia de Basilan.

Si Tiniente Coronel Junpikar Sitin, el hefe del pulisiya na ciudad de Isabela, ya nombra con el victima como si Kennedy Indal Buhali, curenta’y sinco años el edad.

Si Sitin ya habla cay con Buhali was tira maga alas ocho dies del Domingo aga na Strong Boulevard, Barangay Port Area alla na ciudad de Isabela.

Si Buhali un elejido barangay councilor na Tampalan, isla de Malamawi, ciudad de Isabela el capitolyo de provincia de Basilan.

Asegun con investigacion cay parao si Buhali enfrente del carenderia del su primo na Strong Boulevard cuando ya tira conele el un desconosido armao persona na detras.

Asegun con Sitin cay si Buhali, quein ya sufri mucho irida de bala, enseguidas ya muri.

El investigador del crimen ya recubri cuatro capusla de calibre cuarenta’y sinco pistola y dos punta de bala de semehante calibre na lugar del crimen.

El pulisiya del ciudad de Isabela ta continua investiga con el crimen para determina cosa el motivo y tambien conose si queine el suspechao del incidente. (Bong Garcia, Jr.)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -