El gobierno local y el Cruz Roja Filipina, o PRC, ya firma un memorando de entendimiento (MOU) para implementa P38 millones paquete de medios de vida para mujeres na ocho barangays costeros del ciudad de Zamboanga.
El MOU ya firma el Alcalde John Dalipe del ciudad de Zamboanga y Secretarya General Gwendolyn Pang del PRC durante un simple ceremonia del Lunes na City Hall.
Especificamente, el objetivo del MOU amo para promova el acceso dl mujeres na verde y emprendimiento circular y de ila proteccion contra disastre na mga vulnerable comunidades del Zamboanga.
El ocho barangays costeros recipiente del acuerdo ta inclui el Dita, Panubigan, Baluno, Mampang, Bolong, Taluksangay, La Paz, y Mariki.
Si Dalipe ya alaba con el colaboracion como un fuente de esperanza para del mga bien vulnerable comunidades na ciudad, especialmente mga mujeres emprendadoras, quien ta encarna resiliencia, inovacion y el espiritu del ciudad.
Si Dalipe ya habla, su administracion ta reconoce con el critical importancia de empoderando las mujeres, particularmente aquellos ng mga identificao barangays que ya dale mira fuerza ante de adversidades, y sila ahora preparao para prospera en este nuevo iniciativa.
Ademas, si Dalipe ya habla, el promoviendo acceso para verde y emprendimiento circular hinde lang ta fomenta el crecimiento economico pero ta asegura tamen sostenable practicas que beneficioso para del medio ambiente y generaciones futuras.
El MOU amo el terser acuerdo de medios de vida que el PRC y ciudad de Zamboanga ya firma dentro de tres años.
Previamente, ambos partidos ya firma P6.6 millones paquete de empleyo de administracion de basura y despues el P34 millones iniciativa de economica circular para el tres ciudad de Manila, Navotas, y Zamboanga. Este dos iniciativas serca ya completa.