Admitido na ospital el un chufer de “habal-habal” despues ya tira conele dos mga personas na Barangay de Talon-Talon, este ciudad.
Asegun con el Zamboanga City Police Station 6 con el victima ya conose como si Christopher Sarapuddin, 32, años el edad y residente del Paseo de Infante, Barangay Talon-Talon.
Asegun con el pulis con Sarapuddin ya tira mga 11:15 del Sabado denoche na Paseo de Sunrise, Barangay Talon-Talon.
Base na investigacion, ta camina para bolbe si Sarapuddin estaba man tomahan pati su mga amigos cuando alegaomente ya tira conele el mga suspechao.
Asegun con el pulisiya con el dos suspechao ya conose lang como untal Jayson y JD, quien muntao na un motorsiclo y enseguidas ya escapa despues del incidente.
Ya recubri na luga del crimen cuatro capsula de calibre .45 pistola. (B. Garcia)