Un chufer de habal-habal el ya aresta y ya confisca valor de P53,924 droga ilegal el mga autoridad na un campaña contra droga en este ciudad, asegun con el policia local.
El policia local ya nombra con el arestao suspechao como si Faizal Abdulhakim, 48 años el edad y residente del Paseo de Maquilan, Barangay Talon-Talon, en este ciudad.
Asegun con el policia local, con Abdulhakim ya aresta na un “buy-bust operation” mga alas 9:07 del Viernes denoche na Purok 6, Barangay Recodo, en este ciudad.
Asegun con el policia, ya puede recubri na posesion del Abdulhakim 7.93 gramos de suspechao shabu enpaquetao na tres paquetes de plastic que tiene el valor de P53,924, un bolso bandolera, y P200 markao dinero.
El policia ya habla, detenido el arestao suspechao en preparacion para el planta de asunto contra conele por violacion del Comprehensive Dangerous Drugs Act of 2002. (B. Garcia)