Total de 170 gente el ya beneficia na todo-en-uno mision humanitario que ya conduci el Coast Guard District Southwestern Mindanao (CGDSWM) aqui na ciudad.
Asegun con el CGDSWM, el mision humanitario ya conduci del Sabado na Barangay Labuan, en este ciudad, como parte del pre-aniversario celebracion del 56 aniversario del mando.
Asegun con el CGDSWM, el actividad ya inclui el conducida del mision medical y dental hasta dalida de comida.
El CGDSWM ya habla, el objetivo del iniciativa amo para dale ayuda esencial medical con mga residentes del Barangay Labuan con particular enfasis para obtene el requerimentos de salud del mga de edad vivientes.
El evento ya ase posible por medio del asosacion del CGDSWM, servicio dental y servicio de nars, “Philippine Coast Guard Auxiliary”, “Micro-Entrepreneurs Multi-Purpose Cooperative Zamboanga”. (B. Garcia)