El mga personajes del Coast Guard District Southwestern Mindanao (CGDSWM) ya comensa con el mes de Agosto con un exitoso evento de siembrada de arboles na centro de formacion regional na Barangay Sinubong, ciudad de Zamboanga.
Asegun con el CGDSWM, el mga personajes de ila ya siembra 120 arboles de especies de Narra, Dao y Kalumpang para restora con el monte degradado.
El mga nuevo siembrao pono’y palo esperansao mejora con el capacidad produccion de agua y produccion de madera, contribuyendo significativamente con el salud de medio ambiente local y mas grande objetivos para del programa nacional de ecologizacion.
Con el actividad ya encabesa si Capitan Marilyn Jaal, el diputado comandante del CGDSWM, en coorinacion con Joey Ramos del Oficina de Medio Ambiente Comunitario y Recursos Naturales.
Aquellos quien ya participa con el actividad amo mga personajes del Marine Environmental Protection Enforcement Response Group-Southwestern Mindanao, Civil Relations Group-Southwestern Mindanao, y Coast Guard Station Zamboanga.
Asegun con el CGDSWM, el de ila esfuerzos colaborativo ta demostra el fuerte dedicacion para el preservacion ecologico y sustenable desarollo. (B. Garcia)