El Guardia Costera de Filipinas o Philippine Coast Guard (PCG) y el Autoridad de la Industria Maritima o Maritime Industry Authority (Marina) ay trabaja hunto para coordina y colabora en asuntos relatao na seguridad maritima y proteccion aqui na Zamboanga Peninsula.
Ese el cosa ya discuti canda Farida Cunanan, el oficial-en-cargao del Oficina Regional del Marina, y si Commodore Marco Antonio Gines, el comandante del Coast Guard District Southwestern Mindanao (CGDSWM) del Miercoles.
Si Cunanan ya visita con Gines na quartel del CGDSWM del Miercoles para fortalece el colaboracion y camaraderia entre el dos agencias, el Marina y CGDSWM.
El hunta del dos oficiales ya concentra na hacida de estrategias para resolva diferente asuntos na actividades de maritima.
Este asociacion entendido para promove el seguridad y desarollo del sector de maritima na aqui na Zamboanga Peninsula
Si Gines ya promete dale su todo suporta na implementacion de mga nuevo mandatos y circulares que ya discuti sila durante el hunta.
(B. Garcia, photo courtesy Coast Guard District Southwestern Mindanao)