El City Disaster Risk Reduction and Management Office (CDRRMO) ya propone para restablece con mga residentes desde’l mga lugar propenso hay man avalance para na librao locacion.
El proposicion ya hace el CDRRMO despues del incidente de avalance del otro semana na mga sitios de Papaya y Anuling na Barangay Pamucutan que ya resulta na muerte de cuatro personas.
Asegun con Dr. Elmeir Apolinarion, el jefe del CDRRMO, tiene ocho barangay na ciudad el que indentificao propenso hay tene avalance.
Asegun con Apolinario, uno del mga lugar propenso hay man avalance aquel serca na rio y tiene pampang na Barangay Pasonanca.
Si Apolinario ya habla, base na informacion del Mines and Geo-sciences Bureau (MGB), hay man timpak el tierra na mencionao lugar el momento hay tene recio aguacero.
Si Apolinario ya habla, ya escribi ya le carta con el Alcalde John Dalipe hablando el necesidad para compra lote el ciudad para servi como local de reassentamento donde restablece con mga vivientes dese’l lugar propenso hay man avalance. (B. Garcia)