El City Disaster Risk Reduction and Management Office (CDRRMO) hunto con el diferentes partes interesadas na proceso ahora na formulacion de un plano de evacuacion masiva.
Ese el cosa ya anuncia del Viernes si Dr. Elmeir Apolinario, el jefe de CDRRMO, quien ya habla cay el ciudad de Zamboanga con el estimao populacion de 977,801 hinde pa preparao para na un masivo evacuacion na tiempo de natural y artificial disastre o calamidad.
Asegun con Apolinario, el formulacion del plano de evacuacion hay inclui todo posibilidades tambien como el preparacion para el construccion del grande centros de evacuacion de multiples objetivo.
Si Apolinario ya habla, envuelto el diferentes agencias de complimento y el de ila partes interesadas na hacida del plano de evacuacion.
Asegun con Apolinario, el gobierno del ciudad 80 por ciento preparao para salva con mga evacuantes desde disastre como avenida o artificial calamidad poreso necesita tamen tene el ciudad plano de evacuacion masivo.
El plano de evacuacion masivo puede tamen usa durante tiempo de guerra y otro forma de asalto na ciudad, asegun con Apolinario. (B. Garcia)