El Alcalde Dalipe ya apela con el maga opisyales del Barangay para ayuda con ele mantene limpyo con el ciudad de Zamboanga particularmente na implementasyon del Solid Waste Management Program como parte del campanya del desuyu administrasyon na limpiesa aqui na ciudad.
El Alcalde ya man hunta ayer con el maga opisyales del Barangay Mariki, Sta. Catalina y Sta. Barbara huntu con el Executive Assistant del Alcalde como canda Atty. Rochelle Magnolia Tamin, Ron Jacob Orendain, Amado Natividad Jr.,Robinson Pagsiguiron, Romeo Serna, Hadji Abdulbaki Sandag, Public Affairs focal person Ernesto Manual y Efren Santos, Barangay Affairs Officer Montano Cortez Jr., Raymond Padayhag y Gerry Pollisco del Office of the City Environment and Natural Resources (OCENR).
Ya mentiona tambien el Alcalde durante el hunta que prinsipyando Setyembre 15,2022 ya dale ele orden con el OCENR que cambiya el hora del colektada y butada del maga basura para na sanitary landfill. Aseel colektada prinsipyando alas seis del noche hasta alas seis del aga.
El mencionao hunta ya conduci para na Barangay de Mariki, Sta. Barbara, Sta. Catalina y Zone 4 Kasanyangan que basura el numero unu problema. Asegun con el Alcalde que cada barangay debe crea Waste Management Committee que designao para el colektada y butada del maga basura y para asegura el implementasyon del mandatory segregation collection. (Cristine Falcasantos)