Cebu: Duha ka barangay sa Talisay dunay nakitang faultline; opisyal mipasabot nga dili angay ma alarma ang mga residente

0
10

Cebu City – Gibutyag sa usa ka opisyal sa dakbayan sa Talisay nga dunay nakitang duha ka faultline sa syudad.

Gipahibaw ni Talisay City Councilor Danilo Caballero, chairman sa disaster resilience nga ang usa ka faultline naa kini sa barangay Jaclupan ug ang laing usa naa sa Barangay Tapul.

Hinoon, matod ni Caballero nga dili kaayo angayan nga ma alarma ang mga residente labot niini, kay alang sa opisyal, ang importante ma idetify kini aron mas mabinantayon kanunay ang mga residente.

Dugang gipahibaw niya nga ang Talisay duna nay equipment nga maka detect ug ground movement.

“Naay MOA (Memorandum of Agreement) man gud nga gi send diri sa taga Phivolcs nato…between the city government, kay naa man gud silay ibutang diri nga kahiman, equipment nga maka identify ug mg faultline, king naay pagtay-ug sa yuta,” pahibaw ni Caballero.

Giangkon sa chairman sa  disaster resilience nga duna gyuy lugar saTalisay nga dali gyud mo landslide.

Gihangop sa nahisgutang opisyal nga ang Talisay gyuy gibutangan sa maong kahimanan, pag dessiminate nila ug information sa ubang mga lugar ug kutob sa maabot sa pagtay-ug sa yuta.

Ang maong kahimanan gipasabot niini nga maoy mo identify kung unsa ka kusgon ang pagtay-ug sa yuta kung dunay linog nga mahitabo.

Dugang pasabot sa opisyal nga usa na sa rason nga gibutangan sa Phivolcs ug kahimanan tungod sa nakitang duha ka faultline.

Gipaabot sa Local Government Talisay kung kanus-a ma install sa Phivolcs ang maong kahimanan lakip na ang pagpinirmahay sa MOA.

via Jhon Tadlip

Source/Photo: Committee on Disaster Resiliene-Talisay City

Leave a Reply